“Иргэний үндсэн эрх хөгжил” ТББ нь иргэд байгууллагын эрхзүйн ухамсар, соёл боловсролыг хөгжүүлэхэд хувь нэмрээ оруулахаар эрхзүйч, хуульч, өмгөөлөгч, хуулийн сургуулийн багш нарын үүсгэн байгуулсан ашгийн бус байгууллага юм.

Байгууллагын эрхэм зорилго нь Монгол Улсын үндсэн хууль, Монгол Улсын олон улсын гэрээ, хуульд заасан иргэний үндсэн эрхийг хамгаалах, эрхзүйн зохицуулалтыг боловсронгуй болгоход хувь нэмрээ оруулах, эрхзүйн соёл боловсролыг дээшлүүлэх, иргэн, гэр бүл, нийгэм эдийн засгийн хөгжлийг дэмжих, хүрээлэн байгаа орчин, хүүхдийн эрх, нийтийн эрүүл мэнд, нийтийн өмчийг хамгаалах, төр орон нутгийн үйл ажиллагаанд иргэдийн оролцоог хангах, нийтийн эрх ашгийн төлөө нийтэд тустай үйл ажиллагаа явуулах үндсэн зорилготой юм.